مقبوضہ جموں کشمیر کی سیاسی جماعتیں 5 اگست 2019 کے فیصلوں کے خلاف متحد ہو گئیں ۔
سرینگر 07 دسمبر : مقبوضہ جموں و کشمیر میں نیشنل کانفرنس کے سینئر رہنما اور رکن پارلیمنٹ جسٹس (ر) حسنین مسعودی نے کہا ہے کہ علاقے کی تمام سیاسی جماعتیں ایک ہی صفحے پر ہیں پچھلے سال مودی کی زیرقیادت بی جے پی حکومت کے فیصلے جب اس نے کشمیر کی خصوصی حیثیت کو ختم کردیا اور فوجی محاصرے نافذ کردیئے۔
حسنین مسعودی نے سری نگر میں میڈیا سے گفتگو کرتے ہوئے کہا کہ 5 اگست 2019 کو نئی دہلی کے فیصلوں کے خلاف تمام علاقائی سیاسی جماعتیں متحد ہیں۔
انہوں نے کہا تمام سیاسی جماعتوں کا خیال ہے کہ گزشتہ سال بی جے پی کی طرف سے آرٹیکل 370 کو منسوخ کرنا غیر قانونی اور غیر آئینی اقدام تھا اور انہوں نے مزید کہا کہ کشمیری عوام اسے کبھی بھی قبول نہیں کریں گے۔
آرٹیکل 370 کے بارے میں ایک سوال کے جواب میں انہوں نے کہا کہ ہندوستانی سپریم کورٹ کا ایک فیصلہ ہے جس میں یہ بتایا گیا ہے کہ وقت گزرنے کے ساتھ ہی آرٹیکل 370 مستقل اور ہمیشہ کیلے رہےگا۔۔