زرنش خان کو ملا شاندار سرپرائز، تصاویر سوشل میڈیا پر وائرل

معروف پاکستانی اداکارہ زرنش خان کی سالگرہ کی تصاویر سوشل میڈیا پر وائرل ہوگئیں، انہوں نے اپنی سالگرہ متحدہ عرب امارات میں منائی۔

اے آر وائی ڈیجیٹل کے ڈرامہ سیریل سن یارا میں اداکاری کے جوہر دکھانے والی اداکارہ زرنش خان نے اپنی سالگرہ کی تصاویر سماجی رابطے کی ویب سائٹ انسٹاگرام پر پوسٹ کیں۔

اپنی سالگرہ پر انہوں نے یونی کورن کیک کاٹا اور بتایا کہ یہ ان کی شوہر کی جانب سے ان کے لیے سرپرائز تھا۔

اپنی پوسٹ میں زرنش نے لکھا کہ ان کے شوہر نے انہیں کام کا کہہ کر گھر سے باہر بھیجا، وہ اس وقت مشکوک ہوگئی تھیں تاہم بعد ازاں یہ انہی کے لیے ایک شاندار سرپرائز نکلا۔ زرنش نے اس سرپرائز پر اپنے شوہر کا شکریہ بھی ادا کیا۔

ان کی ویڈیوز اور تصاویر کو سوشل میڈیا پر بے حد پسند کیا گیا۔

خیال رہے کہ زرنش خان متعدد ڈراموں میں اداکاری کے جوہر دکھا چکی ہیں، سماجی رابطے کی ویب سائٹ انسٹاگرام پر ان کے فالوورز کی تعداد 17 لاکھ ہے۔