سید علی گیلانی کی دوران نظر بندی شہادت پر مقبوضہ کشمیر میں پانچ روز احتجاجی تحریک شروع پیر کے روز مزار شہداسرینگر کی طرف مارچ ہوگاشہید رہنما کو خراج عقیدت پیش کیا جائے گا
سری نگر() قائد تحریک آزادی کشمیر سید علی گیلانی کی دوران نظر بندی شہادت پر مقبوضہ کشمیر میں پانچ روز احتجاجی تحریک شروع ہو گئی ہے۔ اس سلسلے میںکل جماعتی حریت کانفرنس نے پانچ روز احتجاجی کلینڈر جاری کر دیا ہے۔ کل جماعتی حریت کانفرنس نے لوگوں سے اپیل کی ہے کہ وہ سید علی گیلانی کی دوران نظر بندی شہادت اور لوگوں کو شہید قائد کی نماز جنازہ میں شرکت سے روکنے ،اور سخت پابندیوں کے خلاف احتجاج کریں ۔حریت کانفرنس کی اپیل پر جمعہ کے روز مقبوضہ کشمیر میںپانچ روز احتجاجی تحریک شروع ہو گئی ہے۔کل جماعتی حریت کانفرنس کے ترجمان کی طرف سے سرینگر میں جاری ایک بیان میں لوگوں سے اپیل کی گئی ہے کہ سید علی گیلانی کی غائبانہ نماز جنازہ ادا کریںاور شہید رہنما کو خراج عقیدت پیش کرنے کیلئے حیدر پورہ سرینگر میں واقع ان کی رہائش گاہ کی طرف تین روز مارچ کریں۔ احتجاجی کلینڈر میں لوگوں سے کہا گیا ہے کہ وہ بھارتی جبر و استبداد کے خلاف پیر کے روز مزار شہداسرینگر کی طرف مارچ کریں۔دریں اثنا احتجاجی کلینڈر میں بیرون ممالک مقیم تارکین وطن کشمیریوں سے کہا گیا ہے کہ وہ بھارت کی طرف سے مقبوضہ جموںوکشمیر میں کیے جانے والے غیر قانونی اقدامات کے خلاف احتجاج ریکارڑ کرانے کیلئے منگل کے روز بھارتی ہائی کمیشنوں کے باہر احتجاج کریں۔