کورونا کی ممکنہ دوسری لہر سے نمٹنے کے لیے این سی او سی کا اجلاس، اہم فیصلے
کورونا کی ممکنہ دوسری لہر سے نمٹنے کے لیے این سی او سی کا اجلاس، اہم فیصلے
باغی ٹی وی کی رپورٹ کے مطابق وفاقی وزیر منصوبہ بندی اسد عمر کی زیرصدارت نیشنل کمانڈ اینڈ آپریشن سنٹر کا اجلاس ہوا
این سی ا و سی اجلاس میں ملک میں کورونا کی صورتحال کا جائزہ لیا گیا،اجلاس میں مختلف شعبوں کو کھولنے کے بعد کورونا کے اثرات کا جائزہ لیا گیا،اجلاس میں بریفنگ دی گئی کہ پاکستان میں کورونا کے مثبت کیسز میں معمولی اضافہ ہوا ہے،ملک میں کورونا کی مجموعی صورتحال مستحکم ہے،ملک میں احتیاطی تدابیر میں عملدرآمد میں کمی دیکھی گئی ہے،
سماجی فاصلے اور نو ماسک نو سروس کے اصولوں پرعمل نہیں ہو رہا،عوامی صحت کی پرواہ کیے بغیر ہاتھ ملانا معمول بن چکا ہے،عوامی اجتماعات، ریسٹورنٹس اور شادی ہالز کورونا کے پھیلاوَ کے مراکز بن چکے ہیں ،عوامی مقامات پر ماہرین صحت کی ہدایات پرعمل نہیں ہورہا،
اجلاس میں کورونا کی ممکنہ دوسری لہر سے نمٹنے کے لیے جامع حکمت عملی پر تبادلہ خیال کیا گیا،اجلاس میں تیار کی گئی حکمت عملی پر شراکت داروں سے مشاورت کا فیصلہ کیا گیا،اتفاق رائے کے بعد آئندہ چند روز میں نئی حکمت عملی پر عملدرآمد شروع ہوجائے گا،
وفاقی وزیر منصوبہ بندی و ترقی اسد عمر کا کہنا تھا کہ عوامی صحت بنیادی اہمیت کی حامل ہے،کورونا سے نمٹنے میں قومی کامیابیوں کو رائیگاں نہیں جانے دیں گے،
چین سے پھیلنے والا خطرناک کرونا وائرس کے پاکستان میں ابھی تک مریض سامنے آ رہے ہیں جبکہ اموات بھی ہو رہی ہیں ,گزشتہ چوبیس گھنٹوں میں 583 کرونا مریض سامنے آئے ہیں جبکہ 9 اموات ہوئی ہیں، این سی او سی کے مطابق پاکستان میں کرونا کے مریضوں کی مجموعی تعداد 3 لاکھ16 ہزار934 ہوگئی ہے جبکہ اموات کی مجموعی تعداد 6 ہزار 544 ہوگئی ہے۔
پاکستان میں کرونا کے 3 لاکھ 2 ہزار375 مریض صحتیاب ہوچکے ہیں ،کورونا کے زیرعلاج مریضوں کی تعداد 8 ہزار15 رہ گئی ہے۔
این سی او سی نے کہا ہے کہ والدین اور اساتذہ سے گذارش ہے کہ بچوں کو اسکول بھیجتے وقت مندرجہ ذیل امور کا خاص خیال رکھیں بچوں کو ماسک پہنا کر اسکول روانہ کریں چاہے وہ کپڑے کا ماسک ہی کیوں نہ ہو۔ ۔بچوں میں کھانسی یا بیماری کی علامات ظاہر ہونے کی صورت میں اسکول ہر گز نہ بھیجیں.اگر طبیعت ذیادہ خراب ہو تو بچوں کا فوری ٹیسٹ کروایا جائے۔ پوزیٹیوآنےکی صورت میں اسکول کو مطلع کیا جائے۔