عمران خان کے پرنسپل سیکرٹری کی ورلڈ بینک میں تقرر ی کا نوٹیفکیشن 8 ماہ پہلے ہی جاری
وزیر اعظم عمران خان کے پرنسپل سیکرٹری اعظم خان کی ورلڈ بینک میں تقرری کا نوٹیفکیشن تقریباً 8 ماہ پہلے ہی جاری کر دیا گیا۔
اعظم خان کی ورلڈ بینک میں تقرری کا نوٹیفکیشن 21 فروری 2022 کو جاری کیا گیا جبکہ بطور ایگزیکٹو ڈائریکٹر ورلڈ بینک اعظم خان کی تقرری یکم نومبر 2022 سے 4 سال کے لیے ہو گی۔
خیال رہے کہ دو روز قبل عمران خان نے اعظم خان کو ورلڈ بینک میں تعینات کرنےکی منظوری دی تھی۔
ساڑھے 3 سال وزیراعظم عمران خان کے پرنسپل کے طور پر خدمات انجام دینے والے اعظم خان ورلڈ بینک میں نویدکامران بلوچ کی جگہ ایگزیکٹو ڈائریکٹرکا عہدہ سنبھالیں گے۔