غیر قانونی طورپرنظربند کشمیری نوجوان کے اہلخانہ کا پریس انکلیو سرینگر میں احتجاجی مظاہرہ

سرینگر15فروری : بھارت کے غیر قانونی زیر تسلط جموں وکشمیرمیں غیر قانونی طور پر نظربند ظہور احمد راتھر کے اہلخانہ نے سرینگر میں احتجاجی مظاہرہ کیا۔ مظاہرین کا کہناتھا کہ ظہور بے قصور ہے اور اس کا کسی بھی غیر قانونی سرگرمی سے کوئی تعلق نہیں ہے۔کشمیر میڈیا سروس کے مطابق پریس انکلیوسرینگر میں احتجاج کیلئے اکٹھے ہونے والے اہلخانہ نے بھارتی پولیس کے اس دعوے کی سختی سے مستردکردیا کہ ظہورگزشتہ سال بی جے پی کے کارکنوں کے قتل میں ملوث ہے۔ اہل خانہ نے کہاکہ ضلع اسلام آباد کے رہائشی ظہور کو13 فروری کی شب کو جموں کے کے علاقے سانبہ میں اس کی کرائے کی رہائش گاہ سے اغوا کیاگیاتھا جہاں وہ اپنے اہلخانہ کے ساتھ رہائش پذیر تھا ۔ ظہور کی بہن مینا نے دیگر اہلخانہ کے ہمراہ میڈیا کو بتایا کہ ظہور خشک میوہ کے کاروبار سے وابستہ تھااور ہائی بلڈ پریشر اور ذیابیطس جیسے مختلف عارضوں میں مبتلا تھا اور اسکی آنکھوں کی سرجری بھی ہو چکی تھی۔

دریں اثنا ، بھارتی پولیس نے ضلع بڈگام کے علاقے چاڈورہ سے دو نوجوانوں کو گرفتار کیاہے۔