آیا صوفیہ میں کشمیر کی آزادی کے لیے خصوصی نوافل ادا کیے گئے
میں نے آیا صوفیہ میں کشمیر کی آزادی کے لیے 2 نوافل ادا کیے،یہ عبادت پاکستان اور کشمیر کے نام کرتا ہوں۔ ترک سیاستدان علی شاہین کا ٹویٹ
اس موقع پر تاریخی مناظر دیکھنے میں آئے۔
آج 86 سال بعد اس تاریخی مسجد میں نماز ادا کی گئی ہے۔آیا صوفیا مسجد میں نماز جمعہ کی ادائیگی کے لیے لوگ جمع ہوئے۔
مسجد کے اطراف میں ہزاروں لوگ موجود تھے۔ کوئی بھی اس تاریخی موقع سے محروم نہیں ہونا چاہتا۔اور اس طرح آج 86 سال بعد آیا صوفیہ میں لوگ اپنے رب کے حضور سجدہ ریز ہوئے۔لوگوں کی ایک کثیر تعداد نماز جمعہ کیلئے موجود تھی۔دنیا بھر سے میڈیا کے نمائندے لائیو کوریج کیلئے موجود رہے۔
۔ آیا صوفیہ میں شکرانے کے نوافل کی ادائیگی بھی کی گئی ،سورة یسین کی تلاوت بھی کی گئی۔ لاکھوں مسلمانوں نے آیا صوفیہ سے تلاوت کلام پاک لائیو سنی، اور سوشل میڈیا پر اپنے جذبات کا اظہار کیا۔
مسجد کے اطراف میں مسلمانوں نے خصوصی نوافل ادا کیےاور عالم اسلام کے لیے دعائیں مانگی گئیں۔
۔اس موقع پر کشمیر کی آزادی کے لیے بھی دعا کی گئی،ترک سیاستدان علی شاہین نے کشمیر کی آزادی کے لیے خصوصی نوافل ادا کیے۔انہوں نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ میں نے آیا صوفیہ میں کشمیر کی آزادی کے لیے 2 نوافل ادا کیے۔انہوں نے اس موقع پر پاکستان کو بھی یاد رکھا اور کہا کہ اپنی اس عبادت کو کشمیر اور پاکستان کے نام کرتا ہوں۔