پاکستان آرمی نے برطانیہ میں فوجی مقابلوں میں چاندی کا تمغہ حاصل کرلیا

لندن : پاکستان آرمی نے برطانیہ میں کیمبرین پیٹرول مقابلوں میں چاندی کاتمغہ حاصل کرلیا ، کیمبرین پیٹرول کو دنیا کے مشکل مقابلے سمجھا جاتا ہے۔

تفصیلات کے مطابق پاکستان آرمی نے برطانیہ میں فوجی مقابلوں میں چاندی کاتمغہ حاصل کرلیا ، برطانیہ کے علاقے ویلز میں کیمبرین پیٹرول کو دنیا کے مشکل مقابلے سمجھا جاتا ہے۔

آرمی اتاشی کرنل تیمورراحت نے بتایا کہ کیمبرین پیٹرول مقابلے1959سےمنعقدہورہےہیں، مقابلےمیں دنیا بھر سے 113ٹیموں نےحصہ لیا، جس میں برطانیہ، پاکستان، بھارت، سعودی عرب و دیگر ممالک کی ٹیمیں شامل تھیں۔

پاکستانی ٹیم67 پنجاب رجمنٹ کی قیادت لیفٹیننٹ اویس عثمان کررہے تھے ۔ ٹیم منیجرمیجراسامہ اورآبزرورمیجرحسیب نےبھی اہم کرداراداکیا۔

کیمبرین گشت60 کلومیٹرپرمحیط48 گھنٹےکی حکمت عملی برداشت کی مشق پرمشتمل ہے ، مقابلےمیں جنگی مشقوں کےمکمل سیٹ اورجنگی تکنیکی کاتجربہ کیا جاتا ہے۔

مقابلےمیں زخمیوں کاانخلا، پانی عبورکرنا،سیکشن اٹیک،ہدف پرحملہ وغیرہ شامل ہے جبکہ مقابلہ سپاہیوں کی جسمانی اورذہنی برداشت کی اعلیٰ ترین سطح کا امتحان لیتا ہے۔

پاکستان آرمی کی67پنجاب رجمنٹ نےغیرمعمولی کارکردگی پرسلورمیڈل حاصل کیا ، کرنل تیمورراحت نے بتایا کہ پاک فوج کسی بھی ماحول میں بہترین ٹیموں کیخالف حصہ لیتی ہے، پاک فوج شاندارپیشہ ورانہ جنگی صلاحیتوں کامظاہرہ جاری رکھےگی۔