سلمان خان نے شادی نہ کرنے کی وجہ ریکھا کوقراردے دیا

ممبئی: بالی وڈ کے دبنگ سلمان خان 56 سال کے ہوگئے۔ سلمان خان نے اب تک شادی کیوں نہیں کی؟ وجہ سامنے آگئی۔

بالی وڈ کی سپراسٹاراداکاراؤں  سنگیتا بجلانی، ایشوریا رائے اورکترینہ کیف کے ساتھ سلمان خان کی شادی کے چرچے تو ہوئے لیکن شادی نہ ہوسکی۔ اب سلمان خان کی شادی نہ ہونے کی وجہ سامنے آگئی۔

سلمان خان نے ایک انٹرویومیں یہ انکشاف کیا تھا  کہ ان کی اب تک شادی نہ کرنے وجہ ماضی کی مقبول ہیروئن ریکھا ہیں کیونکہ وہ بچپن سے ریکھا کے پرستارتھے اوران سے شادی کرنا چاہتے تھے۔

سلمان خان نے بتایا کہ ریکھا ان کی پڑوسی تھیں جن کوواک پرجاتا دیکھنے کے لئے وہ صبح  ساڑھے 5 بجے اٹھ جایا کرتے تھے۔دوستوں کے ساتھ ریکھا کی یوگا کلاس میں بھی داخلہ لیا تھا۔

سلمان خان نے کا کہنا تھا کہ شاید یہی وجہ ہے کہ اب تک میری شادی نہیں ہوسکی۔ 67 سال کی ریکھا ماضی کی سپراسٹاررہی ہیں۔