برطانوی حکومت جموں وکشمیر کی زمینی صورتحال کا تجزیہ کرنے کے خواہاں ہے برطانوی حکومت نے کشمیر پر بھارتی حکومت سے بات کی ہے، ایلکس ڈبلیو ایلس
نئی دہلی : بھارت میں تعینات ہونے والے نئے برطانوی ہائی کمشنر ایلکس ڈبلیو ایلس نے زمینی صورت حال کا جائزہ لینے کے لیے مقبوضہ کشمیر کے دورے کی خواہش کا اظہار کیا ہے ۔ انڈیا ٹوڈے کے مطابق نئی دہلی آمد پر پہلی میڈیا بریفنگ میں ایلکس ڈبلیو ایلس نے کہا کہ برطانوی حکومت جموں وکشمیر کی زمینی صورتحال کا تجزیہ کرنے کے خواہاں ہے۔ کشمیر کے سلسلے میں ہم نے بھارتی حکومت سے بات بھی کی ہے ہم وہاں جاناچاہتے ہیں تاکہ صورت حال کا جائزہ لیں۔