یاسر حسین اور اقرا عزیزکی دلچسپ ویڈیو وائرل

کراچی: اداکار و میزبان یاسر حسین اپنی اہلیہ و اداکارہ اقرا عزیز کے ساتھ اسکوٹی پر مٹر گشت کرنے لگے جس کی ویڈیو سوشل میڈیا پر وائرل ہوگئی۔

شوبز انڈسٹری کے معروف اداکار یاسر حسین نے سماجی رابطے کی ویب سائٹ انسٹاگرام پر ایک ویڈیو شیئر کی جس میں وہ اہلیہ کے ساتھ اسکوٹی پر شہر کا مٹر گشت کررہے ہیں۔

یاسر حسین نے ویڈیو شیئر کرتے ہوئے لکھا کہ ’بیگم کے ساتھ بے غم ہوکر اسکوٹی پر گھومنے کا اپنا مزہ ہے۔’

اداکار نے اقرا عزیز کو ٹیگ کرتے ہوئے لکھا کہ ’بس کچھ بھی کہتی رہے آواز نہیں آتی۔‘

یاسر حسین اور اقرا عزیز کی ویڈیو سوشل میڈیا پر وائرل ہورہی ہے اور مداحوں کی جانب سے دونوں کی ویڈیو کو خوب سراہا جارہا ہے۔

یاد رہے کہ اداکارہ اقرا عزیز اور یاسر حسین 28 دسمبر 2019 کو رشتہ ازدواج میں منسلک ہوئے تھے اور یاسر نے اقرا کو ایوارڈ شو کے دوران پروپوز کیا تھا۔

خیال رہے کہ اقرا عزیز اور یاسر حسین نے گزشتہ سال اے آر وائی ڈیجیٹل کے ڈرامے ’جھوٹی‘ میں مرکزی کردار ادا کیا تھا۔