قومی اسمبلی کا اہم اجلاس شام 4 بجے ہوگا، ایجنڈا جاری

اسلام آباد: قومی اسمبلی کا اہم اجلاس آج شام چار بجے پارلیمنٹ ہاوس میں ہوگا۔

قومی اسمبلی کے آج کے اجلاس کا ایجنڈا جاری کر دیا گیا ہے جس کے مطابق وزیر اعظم کے خلاف عدم اعتماد کی قرارداد پر اجلاس میں بحث کی جائے گی اور اپوزیشن لیڈر شہباز شریف بحث کا آغاز کریں گے۔

وزیراعظم کے خلاف عدم اعتماد کی قرارداد میں کہا گیا ہے کہ وزیر اعظم عمران خان ایوان کا اعتماد کھوچکے ہیں، عمران خان اب وزارتِ عظمی کے عہدے پر فائز نہیں رہ سکتے۔

دوسری جانب شہباز شریف نے متحدہ اپوزیشن میں شامل جماعتوں کی پارلیمانی پارٹیوں کا مشترکہ اجلاس آج تین بجے بلا ہے جس میں تحریک عدم اعتماد سے متعلق حکمت عملی پر غور ہوگا۔