نادیہ حسین نے بچپن میں کیا چیز چرائی؟ اداکارہ نے بتادیا

کراچی: شوبز انڈسٹری کی معروف اداکارہ و ماڈل نادیہ حسین نے بچپن میں کی جانے والی چوری سے متعلق دلچسپ واقعہ بیان کردیا۔

شوبز انڈسٹری کی نامور اداکارہ و ماڈل نادیہ حسین نے اے آر وائی ڈیجیٹل کے پروگرام ’گڈ مارننگ‘ پاکستان میں شرکت کی اور میزبان ندا یاسر کی جانب سے دیے گئے ٹاسک میں دلچسپ انکشاف کیا۔

نادیہ حسین نے بتایا کہ ’جب میں دوسری کلاس میں تھی تو میری دوست اور میں ہر کسی کے ’ربڑ‘ چرا لیا کرتے تھے، جیسے ہی کسی کی نظر ادھر ادھر ہوتی تھی تو ہم کسی بھی قسم کے ربڑ اٹھا لیا کرتے تھے۔‘

ندا یاسر نے سوال کیا کہ کبھی آپ پکڑی نہیں گئیں ربڑ چوری کرتے ہوئے؟ جس کے جواب میں نادیہ حسین نے کہا کہ اس بارے میں ٹھیک سے کچھ یاد نہیں لیکن مجھے ربڑ جمع کرنے کا بہت شوق تھا۔

نادیہ حسین نے بتایا کہ میرے پاس ربڑ اتنی زیادہ تعداد میں جمع ہوگئے تھے کہ امی کو بھی شک ہونے لگا تھا کہ یہ کہاں سے آرہے ہیں لیکن ان کو پتا نہیں چلا۔

پروگرام میں شریک میزبان ندا یاسر کے شوہر یاسر نواز نے کہا کہ ہم تو اسکول میں پینسل کے اوپر لگے ربڑ ہی استعمال کیا کرتے تھے، جبکہ دانش نواز نے مزاحیہ انداز میں کہا کہ میری ایک خاصیت تھی کہ جو لکھ دیتا تھا وہ پھر مٹاتا نہیں تھا۔