جنوبی افریقہ کے خلاف کن کھلاڑیوں کو موقع دیا جائے گا؟ بیٹنگ کوچ نے بتادیا
کراچی: قومی کرکٹ ٹیم کے بیٹنگ کوچ یونس خان نے جنوبی افریقہ کے خلاف ٹیسٹ سیریز میں نئے کھلاڑیوں کو شامل کرنے کا عندیہ دے دیا ہے۔
تفصیلات کے مطابق اپنے بیان میں یونس خان نے کہا کہ جنوبی افریقہ تیرہ سال بعد پاکستان آئی ہے، مہمان ٹیم کا شمار اس وقت دنیا کی بہترین ٹیموں میں ہوتا ہے۔
یونس خان نے کہا کہ جنوبی افریقہ کے بعد نیوزی لینڈ، آسٹریلیا اور انگلینڈ نے پاکستان آنا ہے، جس کے باعث پاکستان کا کرکٹ شیڈول اب مصروف ترین ہوجائےگا۔
بیٹنگ کوچ قومی کرکٹ ٹیم نے جنوبی افریقہ کے خلاف ٹیسٹ سیریز سےمتعلق کہا کہ اسکواڈ میں بیس کھلاڑی ہیں، جن میں سے بیشتر کھلاڑیوں کو جنوبی افریقہ کے خلاف اپنی کارکردگی دکھانے کا موقع ملے گا۔