ممبئی: بھارت میں کورونا سے ایک روز میں557سے زائد افراد جان سے گئے جس کے بعد بھارت میں کورونا سے اموات کی مجموعی تعدادایک لاکھ سے زائد ہو گئی۔

غیر ملکی خبر ایجنسی کےمطابق دنیا بھر میں کورونا وبا کی دوسری لہر جاری ہے اور کورونا وائرس سے دنیا بھر میں مریضوں کی تعداد4کروڑسے تجاوز کر گئی جبکہ کورونا وبا سے دنیا بھر میں اموات کی تعداد 11لاکھ سے زائد ہوگئی تاہم کورونا سے دنیا بھر میں 3کروڑ سے زائد افراد صحت یاب ہوچکے ہیں۔
حکام نے مزید کہا کہ امریکا میں ایک روز میں 267سے زائد افراد ہلاک ہوئے جس کے بعد امریکا میں اموات کی مجموعی تعداد2لاکھ سے تجاوز کرگئی جبکہ امریکا میں مریضوں کی تعداد83لاکھ سے زائد ہو گئی،بھارت کورونا سے متاثرہ ممالک کی فہرست میں دوسرے نمبر پر ہے اوربھارت میں24گھنٹوں میں کورونا کے54ہزار سےزائد نئے مریض سامنے آ گئےجبکہ بھارت میں کورونا سے ایک روز میں 557سے زائد افراد جان سے گئے تاہم بھارت میں کورونا مریضوں کی مجموعی تعداد75لاکھ سے زائد ہوگئی جبکہ بھارت میں کورونا سے اموات کی مجموعی تعداد ایک لاکھ سےزائد ہو گئی،برازیل میں مریضوں کی تعداد 52لاکھ سے تجاوز کر گئی جبکہ برازیل میں ہلاکتوں کی تعداد1لاکھ53ہزارسے زائد ہو گئی،روس میں مریضوں کی تعداد13لاکھ سے زائد ہوگئی جبکہ روس میں اب تک 24ہزارسے زائد افراد ہلاک ہو گئے۔
حکام نے مزید کہا کہ اٹلی میں مریضوں کی تعداد4لاکھ سے تجاوز کر گئی جبکہ اٹلی میں اب تک کورونا سے 36ہزار سے زائد افراد ہلاک ہو چکے ہیں،اسپین میں کورونا سے متاثرہ افراد کی تعداد9لاکھ سے زائد ہوگئی جبکہ اسپین میں کورونا سے 33ہزارسے زائد افراد موت کے منہ میں چلے گئے،فرانس میں کورونا مریضوں کی تعداد8لاکھ سے تجاوز کرگئی جبکہ فرانس میں اب تک کورونا سے 33ہزارسے زائد اموات ہو چکی ہیں۔

خبر ایجنسی نے مزید کہا کہ برطانیہ میں کورونا سے7لاکھ سے زائد افراد متاثر ہوئے جبکہ برطانیہ میں کورونا سے ہلاکتوں کی مجموعی تعداد 43ہزارسے زائد ہوگئی،ایران میں مریضوں کی تعداد 5لاکھ سے زائد ہوگئی جبکہ ایران میں اب تک 30ہزارسے زائد افراد کوروناوائرس سے ہلاک ہو چکے ہیں،سعودی عرب میں کورونا مریضوں کی تعداد3 لاکھ سے تجاوز کرگئی جبکہ سعودی عرب میں اب تک5ہزارسے زائدافراد جان کی بازی ہار گئے،ترکی میں کورونا سے متاثرہ افراد کی تعداد3 لاکھ سے تجاوز کرگئی جبکہ ترکی میں اب تک 9ہزارسے زائدافراد موت کے منہ میں چلے گئے۔