ارا چنار: (دنیا نیوز) ذرائع کے مطابق خیبر پختونخوا کے علاقے پارا چنار طوری بازار میں لوگ معمول کی خریداری میں مصروف تھے کہ اچانک دھماکا ہوگیا۔ زخمیوں کو ہسپتال منتقل کرنے کا عمل شروع کر دیا گیا ہے۔
دھماکے کی اطلاع ملتے ہی سیکیورٹی فورسز فوری طور پر حرکت میں آئیں اور موقع پر پہنچ کر علاقے کو گھیرے میں لے لیا جبکہ امدادی ٹیموں نے ایمبیولینسوں کے ذریعے زخمیوں کو ڈی ایچ کیو پہنچانے کا عمل شروع کر دیا ہے۔
دھماکے کی نوعیت کیا تھی، اس بارے میں ابھی تک کچھ پتا نہیں چل سکا ہے۔ پولیس کی ٹیمیں جائے حادثہ سے شواہد اکھٹے کرنے میں مصروف ہیں۔ ابھی تک کسی نے اس دھماکے کی ذمہ داری قبول نہیں کی ہے۔
via dunya news