پاکستانی حکومت نے اوورسیز پاکستانیوں کو بڑی سہولت فراہم کردی

اسلام آباد: اوورسیز پاکستانی فاؤنڈیشن میں پاسپورٹ آفس قائم کردیا گیا ، اوورسیزپاکستانی نادراکے علاوہ پاسپورٹ سروس بھی حاصل کر سکیں گے ، زلفی بخاری کا کہنا ہے کہ اوورسیز پاکستانیوں کواوپی ایف سے بہترسہولتیں میسر ہوں گی۔

تفصیلات کے مطابق اوورسیز پاکستانی فاؤنڈیشن میں پاسپورٹ آفس قائم کردیا گیا ، جس کے تحت اوورسیزپاکستانی نادراکے علاوہ پاسپورٹ سروس بھی حاصل کر سکیں گے ، پاسپورٹ آفس کھولنے کا مقصد اوورسیز کو ایک جگہ پرسہولتیں فراہم کرناہے۔

اوورسیز پاکستانیوں کےخاندان کےافرادبھی اس سہولت سےمستفیدہوسکیں گے، اوورسیزپاکستانیوں کےاہلخانہ کوپاسپورٹ کیلئےآبائی علاقوں کو نہیں جانا پڑتا تھا۔

معاون خصوصی زلفی بخاری نے اوورسیزپاکستانی فاؤنڈیشن میں پاسپورٹ آفس کا افتتاح کیا، اس موقع پر زلفی بخاری نے کہا اوپی ایف کیساتھ رجسٹرڈ اوورسیز کو ایک چھت کے نیچے سہولتیں ملیں گی، اوورسیز پاکستانیوں کواوپی ایف سے بہترسہولتیں میسر ہوں گی۔

زلفی بخاری کا کہنا تھا کہ سمندرپارپاکستانیوں کومزیدسہولتیں فراہم کریں گے، اوورسیز کے زمین کے تنازعات سب سے بڑا مسئلہ ہیں اس کیلئے خصوصی اقدامات کر رہے ہیں اورجلد کورٹس کا قیام لایا جائے گا ۔

معاون خصوصی نے کہا کہ کل وزیراعظم نےبھی کہاتھااوورسیزپاکستانیوں سےفراڈکیاجاتاہے، حکومت پاکستان فراڈ سوسائٹیز کے خلاف بڑا کریک ڈاون کرنے والی ہے ، اوورسیزانویسمنٹ کرتے ہیں بعدمیں پتہ چلتاہےفراڈہوگیا، میری وزارت فارن منسٹری کوایک مراسلہ بھی بھیجے گی، اس حوالے سے دو ہفتے میں فارمولہ آجائےگا۔

ان کا کہنا تھا کہ اوورسیزکےووٹنگ رائٹس سےمتعلق سمری بھی بھیجی ہے، قوانین بھی بنائے جارہے ہیں این سی سی میں ڈیجٹلائزیشن کا آغاز کیاجارہاہے، سسٹم ڈیجیٹل ہوگیا تو نوے فیصد مسائل حل ہوجائیں گے، چاہتےہیں پاکستانی کہیں بھی ہو اس کے پاس اپنےملک کاپاسپورٹ ہو۔